وشلون انام وكيـف بيجينـي النـوم
وانا لصوتك يامنى الـروح ضامـي
نمتي وصار الليل ونجومه خصـوم
لاتشغلـي بالـك بهمـي ونـامـي
نامي وخَلّي لي جفن غـارق همـوم
يكفيني أسهر لـك ياكـل اهتمامـي
البارحة صارت بعد نومـك علـوم
لعبت انا والشوق شرطي وحرامـي
أقوم واجلس وان جلست ارجع اقوم
والله مـو منـي ذبحنـي هيـامـي
طيفك قبالي جالـس يـدور ويحـوم
حاولت اضمه ما اسعفتني عظامـي
من يوم شفتك وألمح الخصر مبـروم
طاحت بي عـزوم وتغيـر نظامـي
كلي على بعضي تغيرت .. معلـوم
ثقافتي .. شكلي .. قصيدي .. كلامي
يا إني قبل ألقاك من جـد محـروم
ليتي عرفتك قبـل ساعـة فطامـي
كل الصبايا كوم بس ضحكتك كـوم
فديت روحـك ياهـواي وغرامـي
علـى العمـوم الله يهنيـك بالنـوم
خَلّي السهر لعيـون خلـك ونامـي
نامي جعل يومي قبل يومـك بيـوم
وانا بواصـل ليـن اروح لدوامـي
منقول
كلمات / محمد عويضه