2006 سنة كئيبة ع الامة بأكملها ... رحل فيها العود........(( امير القلوب )) .. بابا جابر
2008 سنة حزينة يمر بها رمضان بدون رؤية اغلى الناس............. بابا جابر
وينك حتى نقولك مبارك عليك الشهر!!!!!!!!!!!!!!! 
وينك حتى نقولك رمضان كريم؟؟؟؟؟؟؟؟؟؟؟؟؟؟؟؟؟؟
بقلبي وقلوب كل من يعزك كلمات نقول فيها.................
كلن غدى يبكي عزيزن وينعاه
بأجزل عبارات الحزن والمشاعر
احدن لليله يشكي هموم دنياه
واحدن على طعنات دهره يكابر
داري تجاعيد الحزن واكبت الاه
دام المصايب ما تروف المحاجر
كفكف كلامك دامه اللي فقدناه
نور طفى بجفاه نور النواظر
رمز العطا والخير الكل سماه
شمس الحقيقة في زمان الدواير
ماهي حكاية غاب خله وناجاه
كل القصايد تبكي فراق جابر
غاب العبير وذاب زهره على ماه
وانساب يروي حفرتن في مقابر
يا حيف ما عادت موانيه تلقاه
يا حيف ما عادت عيونه تناظر
يا حيف شعبه يحتري مد يمناه
يا حيف ابراجه سراب وسعاير
كن الجموع جبال يوم القضاء جاه
والكل منهم بين شارد وحاير
تنعي رحيل الجود بحروف الشفاه
والا المحاجر ضايقه بالعباير
كل الحروف وارض الكويت تنعاه
قبّل ثراها والنسايم وسافر
مع قول رحمة تتبعه لين مثواه
واطلب رضا منهو على الكون قادر
الشاعر : عبد العزيز العبدالله
رحمك الله يا امير القلوب واسكنك فسيح جناته ....
اول يوم رمضان بدون امير القلوب!!!!
.gif)
.gif "Yasser Atrees (251)")
