مالت عليك و على الحب فوقك - مملكة حليمه بولند الرسمية, منتديات حليمه بولند, صور حليمه بولند,

الريم كسر تيم · 04-09-2008

مالت على غدرٍ جرى في عروقك
نسـّـاك خل ٍ كان بالروح يفديك

نسـّـاك منهو يرتجي منك شوقك
يحتاج وصلك وأنت زايد تغليك

يحتاج لمسه من حنانك وذوقك
مير أن قلبك بالهجر كان يغريك

لكن أنا مليت من زود موقك
و أنت بحياتي كنت صفحة و ابطويك

مليت أنا دايم أوفـّي حقوقك
وأنت لحقوق الحب تعلن تحديك
ياجعل قلبك للمهالك يسوقك
ورجلك على درب الندامه توديك

وهمك يغطي كل ذره بخفوقك
وترجع علي وتقول أهواك وأبغيك

باقول لك مالت على الحب فوقك
ومالت على قلبي إذا قال يشريك