يا ربي على هالدوام توه في أوله
دوام من وقت والواحد بعده ما شبع رقاد
لازم يكون الواحد الحين راقد
نومة ملوك
بس شنسوي يخلونا نداوم مسطلين اول كم ساعة ما ندري شالسالفة
نطالع بروحنا ونقول اخ
ومع ذللك نضطر نشتغل ونكرف من زحمة هالشغل الي ما يخلص ويغدي شكلنا جدي
وبعد الغدا نغسل ويهنا عشان نكون مصحصحين لين ما يخلص هالدوام
ولين صارت الساعة 5 تشوف الابتسامة والحياة ردت
وبس نطلع من الدوام الضحكة الف
وهاتك كل واحد عنده طريقة عشان ينسى هموم الشغل الي يطلع ويرقعها احلى نومة
والي ياخذ شاور عشان يغسل مشاكل الشغل وبعدين يرقعها بنومة
والي يحب يسرح بس عشان ينسى
والي يحب بطنه ما بيفوت اقرب كفتيريا
والي مسوي عمره مثقف عشان ينسى
والي يلبس احسن ما عندا ويطلع يدور صديقه
والي يطلع يصيع بس هالجيل الله يستر عليه
والي مسويلي فيها رياضي
وفي الي يحبون الطبيعة بس يالحسرة لا جو ولا طبيعة
وفي الي يدورون الحنان والحب
بس اخخخخخخخخخخ لو اليوم الخميس كانت الضحكة لاخر الفريج
