|
أفراق ثم أفراق وفراق وفراق
أفراق ثم أفراق وفراق وفراق
توك تجي وتقول لي مشتاق
تــوه لــهـيب الشوق ذوب جليدك
توك عرفت الحب وأهات الأشواق
تـو الـغـرام لـحـب قـلـبـي يـعيدك
توه صحا قلبك من غفلته فاق
توك عرفـت اللي يـبـيـك ويريدك
وين أنت يوم انك هنا وسط الأعماق
والقلب مـتـحمل صدودك وكيدك
وين أنت قبل تغيب شمس الإشراق
وقـبـل لا تـعـلـن عـروقي شديدك
خلاص حبري جف وأحرقت الأوراق
مـا عــاد أبـيــك اليوم والله يبيدك
ما بيك لو أتصيح وتجف الارياق
وتنزف عروقك دم معها صديدك
أفراق ثم أفراق وفراق وفراق
فـرقـاك عـيـد الـروح دور لعيدك
بطلت اغني الحب بالحان عشاق
مـاني شهيد الحب وماني شهيدك
بالمختصر لو تنطبق سبع الإطباق
انـي لـزيـدك غـيـظ والله لـزيـدك
|
