بسـم اللـه الرحمن الرحيـم
هـذى مختـارات للشـاعر الكبـير ناصر القحطاني
إنشاء الله تنـال إعجابكم :)
هو شاعر الأندلس التي كانت أرصفتها لحناً لأقدامه
هو شاعر كبير كانت ملامحه وطن لأحلامه
كتب للرحيل فعشقنا السفر, كتب للميلاد فعشقنا السهر
كتب للتوبة فعشقنا الهداية, كتب للصمت فكانت أجمل حكاية
نعم إنه الشاعر ناصر القحطاني بقلبه وقلمه وشعره وعطره
وفكره وجسده وروحه ورعده وبوحه
اليكم بعض قصائده .. !!
القصيده الاولـ(1)ـى
(طـفــلــه) ..!!
فضفضت لي عن سواليف امها اللـي كدرتهـا
والحزن مثل الحسـن لامـر لازم ينوقـف لـه
.
جت تفلسـف طفلـةٍ مكياجهـا مـن فلسفتهـا
كملت عشريـن عـام ولاتـزال اليـوم طفلـه
.
يشبـع الخلخـال والسلسـال جايـع برقبتهـا
خيـزران لينهـا بيـن انتبـاه وبيـن غفلـه
.
ودي ادري لامشت بشعور الارض اللي تحتهـا
وانتثنت قلت وين اللي يقـول ان التـرف لـه
.
اه لولا خصرهـا قلـت اسرفـو فـي تغديتهـا
ما افقره بين النعيم ولايبي مـن ينتصـف لـه
.
حاجـةٍ تطـري عليهـا جايبتـهـا جايبتـهـا
نسمـةٍ ماتعتـرف بالبـاب والحـارس وقفلـه
.
قلت وش ذا اللي خفق بين الضلوع امن اولتها
قبل اقول الضيف جاك اثره فتح كل الغرف لـه
.
يـوم قدمتـه لهـا ليلـة سرتبـي سلهمتـهـا
قالت اتشرف بقلبك يافتى قلـت الشـرف لـه
.
طرت مع سرب الحمام اللي سرى من حنجرتها
ساعتين وهي تسوق الرمش وابصم واعترف له
.
تجدل انفاسي واللـى حسـت دفاهـا كسرتهـا
وطلقتها للهبـوب بكـل طيـشٍ تنجـرف لـه
.
لين باخر طيشهـا قصيـت اظافـر شيطنتهـا
لاتشح بكيدها اللي كيدها ابـن ادم ضعـف لـه
.
نسنست عصرية الجمعه وهـي تقـرا بختهـا
بين جمع من العذارى كل شـي منكشـف لـه
.
كل ماجـن يمشطـن شرطانهـا اللـي تعبتهـا
سمعوها من قصايد خلها اخر مـا اتعـرف لـه
.
ولـدت الحلـمٍ تدورلـه وتنـشـد منظرتـهـا
لـدت البـرواز اسـود دمعهـا يامـاذرف لـه
.
لـدت توصـي مكاتـيـب قـبـل مازرفتـهـا
ضمنتهـا الغاليـه دمعـه وداع وعطـر حفلـه
.
قلت ارضيها وجيـت وجـات والدنيـا ملتهـا
والغزل دار ولقى المشتاق مشتاق يعـزف لـه
.
كـل مـازودت وردي السواليـف اخلجتـهـا
وكل مازاد الحيا قلت الحلـو وش ينكسـف لـه
.
قالـت امـي تفتكرنـي طفلـه وتظلـم بختهـا
صح انا ماني بطفله صـح انـا مانـي بطفلـه
القصيده الثـ(2)ـانية
(سـقــا الله) ..!!
حبيبي طـال مـوّالٍ يجيـب الهـم والتنكيـد
عسى الله مـا يخلّيلـي خليـلٍ كـان خلّيتـك
.
يبو عذرٍ يشابه ضحكتة الأطفـال يـوم العيـد
أنا ابكيتك؟؟ حشا واللي فتنّي فيك مـا ابكيتـك
.
حرام بعينك الدمعه حـرام بصـدرك التنهيـد
حرام البرد يمضـغ راحتينـك مـا ترضّيتـك
.
تعال وكل جرحٍ فدوتك يبـرد مـن التضميـد
أشوفك من زمـان وقـدّر المولـى وحبّيتـك
.
من اول مرةٍ شفتك .. تمنّيتك وصـرت السّيـد
وتمنّيت انّي اصلا يـوم شفتـك مـا تمنّيتـك
.
تخيّل كيف سكّنتـك وخلّيـت القريـب ابعيـد
وروّح كل عاشق يحلـم افبيـتٍ مثـل بيتـك
.
فداه من البيوت اللي يمـل ويعشـق التجديـد
ياعمري شف وهو قلبي متاني فيـه وصّيتـك
.
أسج وتنقلب ضوضا الشوارع في عيوني بيـد
واجيك ويرتعش في خافقي عصفـور لاجيتـك
.
دخيل الطلّه اللي كل ماجت فـوق ذاك الجيـد
دريت انّك طموحي يـا طمـوحٍ مـا تعدّيتـك
.
حشا ما مرّني يومٍ صبوح الا انـت بالتحديـد
تراك الصبح في عيني من اول مـا تهجّيتـك
.
نسيت ان الرّسايل كانت من ايدي تسافـر ليـد
تعطّر لك مساك وعطرهـا يحييـك ويميتـك
.
نسيت انّك ظفـرت بزفـرةٍ تستاهـل التمجيـد
ولا تلحـق جزاهـا لـو تجمّعلـي تناهيتـك
.
نسيت انّي وضعت الشمس في كفّك وعفت الغيد
وحطّيت القمر فـي كفّـك الثانـي وخاويتـك
.
انا لي ذنبك وللذنـب عـذر وللعـذر تمهيـد
ولك خيل الرّضا تصهل بصوتي يـوم ناديتـك
.
تمتّع بالغلا ياللـي يسمّونـك عنـود الصّيـد
والا يـا كثـر ماغرّتنـي حروفـي وسمّيتـك
.
حبيبي لا سقا الله عرفي اوّل قبل اجيب العيـد
سقا الله يوم طشت .. الا سقا الله يوم حبّيتـك
القصيده الثـ(3)ـالثه
(حبيبي لا تعذر ) ..!!
حبيبي لا تعذر والجروح اسبابهـا الأعـذار
وانا ادري مايطيب الحب غير بكثرة ذنوبـه
.
يليت الجرح ما بيّح نزيفـه باقـي الأسـرار
ياليته كان ذنب ابدون عذر وتغفـره توبـه
.
أنا اللي ماخذا منك القصاص ولا طلب له ثار
على كثر الحقوق اللي تمنّى قـول مطلوبـه
.
أهلّي بالمواجع كل مانساقـت مـن الأقـدار
واقول يحلّها اللـي حطّهـا للقلـب مكتوبـه
.
حطبت ضلوعي وشبّيت ضوّك يا عذاب النار
وانا استر كل هم .. وكل همٍ ضاق به ثوبـه
.
تذكّر كيف سيّلت المشاعر في هواك انهـار
عطيتك للفرح صحـوه وللأحـزان غيبوبـه
.
عطيتك وقتي ورحت اترقّب قاصف الأعمـار
وانا سنيني على عمرٍ نثرته فيك محسوبـه
.
حبيبي وان بغيت الصدق ياشين الهوى لاجار
حبيبي وان بغيت الكذب كلّن ملْـك محبوبـه
.
دخيلـك لا تعـذر والليالـي خلّهـا تـنـدار
يبين النـور والا ياعسـاه يطـوّل غروبـه
القصيده الرابـ(4)ـعه
تراهـا الصـوره ..!!
تراها الصوره اللي جا عليها فالـوداع علـوم
فديتك .. ما سواها حـرّك الخفّـاق واوجاعـه
.
عسى يا احلى هدايا الكون منت بمن حلال القوم
عسى يمّي يجيبك من تركتـك عنـده اوداعـه
.
معاك اضيع يا عمري وابي لو ساعةٍ من يـوم
تضيّعها معي وانسى وش اليوم وكـم الساعـه
.
عشيرك من يد الترك ليد الفرس ليديـن الـروم
هذا هـو يعربـيٍ لا نسـى حلمـك ولا باعـه
.
تعال الكل ينشد عنـك وطيـور الخيـال تحـوم
وانا مابين طيـف وصـوره ودفتـر وسمّاعـه
.
من اول ما اصبح استفرد بنكهة سرّك المكتـوم
واهيم بكل شارع واندهك واخرج عن الطّاعـه
.
أطارد شمسك اللي لآخر الدنيـا بـدون غيـوم
والى منّي ذكرت اعيونـك ومغنـاي وشراعـه
.
أجي يم البحر واحكيله اوّل مـا عرفـت العـوم
وفوق الشّاطي ارسم وجهك اللي سافر اشعاعه
.
والى جا الموج يمّي ضمّت ايدي وجهك المرسوم
وطاحـت نجمتيـنٍ مـرّت الخدّيـن مرتاعـه
.
واعوّد للحدايق ما بقـى مـن زادي الا اللـوم
أدوّر عن عبيرٍ كم وكـم نسمـه مـن اتباعـه
.
أداعب وردهـا والفـل والريحـان واليشمـوم
ولا هو ملمس الورد الطبيعي يا اجمل انواعـه
.
وانشّد عنْك اناشيد وعصافير وشجـر وكـروم
وكرسي باهتٍ لونـه وسبـع اخيـوط لمّاعـه
.
واشوفك في فساتين وذهـب ومعلّـق بمنظـوم
واخبّر بك سرايا كل سـوق وغالـي بضاعـه
.
واشيل اوراقك ام حروف وقلوبٍ تشيـل سهـوم
واغنّي ما طرى واطبع عليه الطـاري اطباعـه
.
واعوّد للوساده في مساً مالـه قمـر ونجـوم
اصحّي صورتـك مـن نومهـا وتفـز فزّاعـه
.
أنام بحضنها لين الصباح يقـول صـحّ النـوم
وافيق بوجه نجمٍ من صبـاح الخيـر مطلاعـه
تقبـلو تحياتـى ...
مختـارات من قصـائد الشاعر ناصر القحطاني :)
