هذه القصيده من قصايدي المتواضعه أتمنا تعجب ذوقكم الراقي
بعنوان:
(( تقدر تقول ))
تقدر تقــول القلب هالحين وياك
علـى مدار العمر عندك بخلــّـيه
يعني خلاص اللي بغيته ترى جاك
ريح شعورك عــاد يالله وهدّيه
بلاش من كلْ هالمخاوف ابرجاك
فكرك هناك ابعيد بس لا تودّيه
صدقّـني محدٍ بين هالخلق يسواك
على جميع الناس قدرك معلــّـيه
دنياي بعيوني هي اعيون دنياك
حبك على عمري تراني مولــّـيه
لا ما أبـي لا هــذا لا ذيك لا ذاك
قلبي وجودك في حياته يكفـّـيه
قلبي وروح الروح والعين تفداك
يفداك كلــّـي سوّ بي ماتسوّيه
سمّه جنون او سمّه السعي لرضاك
ولاّ بكيفك سمّـه اللـي تسمّــيه
إعلانات مملكة حليمه بولند الرسمية, منتدى حليمه بولند الرسمي
إهداء لكم يا حلوووين للجميع ,,, السندباد !!
.gif "Yasser Atrees (251)")
j>>(ايدي بأيدك ياحبيبي,.,., خل الحساد يموتون )B
