روقة من حياتي "ملاك الكويت" - مملكة حليمه بولند الرسمية, منتديات حليمه بولند, صور حليمه بولند,

Q8-angel · 10-02-2008

السلام عليكم ورحمة الله وبركاته

أنا سعيدة جدا جدا بجود زاوية افضفص فيها على راحتي ..

وناااااسه

اشكر القائمين في المنتدى على هذه المساحه ..

.............

انا احب هذا المنتدى .. بديت بالدخول عشان اشوف صور حليمة بولند
.. بعدين حبيت الاعضاء وحبيت الجو الاخوي الهادي في المنتدى (الله لا يغير علينا)

واخيرا اشتركت .. فعلا استمتعت بوقتي .. اقط همومي وراي وادخل
اقدر اشوف الدنيا بسلام أكثر :)

الجو مريح وهادي ... هذا كله مع اني لي الحين ماتعرفت على كل الاعضاء ..
والوان المنتدى مريحه .. وصور حليمة تزين المنتدى وتخليه أحلى ..

.................

حلووو الشتاء في موقع حليمة .. مع كوب كوفي حااار .. والبطانية الدافيه ..

ومافي اي صوت غير صوت اصابعي - الحلوة ههههههه - وهي تنقر على لوحة المفاتيح

بجد جووو حلوو
..........................

أحب الدنيا - احب الناس - احب الحياه - واتمنى ربي يرزقني بشريك الحياة الي يشاركني هذه السعادة الكبيره >>>> تصدقون لو قلت لكم ان موقع حليمة كان احد اسباب سعادتي وراحتي

... بجد الله لا يغير عليكم ...

Q8-angel · 11-02-2008

اذا تبي تعيش حياة سعيدة
لازم تهتم ..

بشنو ؟
وشلون ؟

هذا الي تعلمته في اسبوعين بس
والحمد لله

اهتم.. بنفسي وصحتي ثم اهلي وصديقاتي .. وأكيد اهل ديرتي ومجتمعي قضاياهم تهمني .. وانا وهمه واااحد

أهتم .. شلوووون؟
أعيش كل لحظه بكل مافيها من جمال ..

باختصار .. اعيش نومي بعمق .. أكلي بلذه .. حواري بتفاهم ..

كنت اشغل نفسي بأشياء مختلفه بوقت واحد .. فضاعت الجهود والاوقات .. ومالي مرسى على البر

لكن بعد ما بديت اعيش كل لحظه .. واهتم اولا بنفسي ..

حسيت اني غير وحياتي غير...

تجربه وحدة تغير حياتك .. تجربه وحدة تخليك انسن غير ..
الصدق في الرؤية الصدق في التعبير
هو الحل

Q8-angel · 17-02-2008

انا ملكة في المملكة

كنت بشوق كبير لأعود للمنتدى .. فمشاغلي كثرت

وكنت متعبه ..

وأحيانا - لا اخفيكم - افكر بمساحتي الخاصه هذه .. وأقول ليتني اكتب فيك الان كذا وكذا

والان عندما سنحت لي الفرصه نسيت ماكنت اريد ان اكتب

ولا أذكر الا انه كان كلاما خفيفا لطيفا عن

الحب

.. احبك أبي ..

هل تعرف عزيزي القاريء أن لي ابوين .. احدهما أبي الحقيقي
والآخر .. يحبني كابنته ..

رجل قريب لكنه يعنتي بي اعتناء الاب بابنته ..
واهلي يطرونه على هذا الاهتمام الواضح

ربي لايحرمني منكم آبائي ههههههه

....................

Q8-angel · 19-02-2008

بسم الله الرحمن الرحيم

احتار يا منتداي الغالي كيف أبدأ كلامي الليله

حصل مالم يكن في الحسبان .. فبعد ان اعتقدت اني قضيت على كل ذكرى منه ..
عاد

رجع

لماذا ؟؟

انا لا اريده .. لست لعبة .. لست حجر في الشطرنج يحركه كيف يشاء ..
يهجر ويعود متى شاء ..
بابي ليس مفتوح .. اعتذر

اغلقت الباب ..

اعتذر اغلقت باب الدخول الى قلبي

:"(

ارحل ولا تعد ابدا

Q8-angel · 23-02-2008

صدمة

Stop

ابي افهم ... 20,000 مشارك في المنتدى وينهم ؟؟
جمعهم حب حليمه ؟ ولا الفضول الى صورها واخبارها

ايا كان ... يا شباب المنتدى نايم نايم
والمشاهدات اكثر من الردود

Q8-angel · 26-02-2008

.. حليمة ..

المعجبين كثار .. والغيورين كثار ..

يكفيني ..اني لما اشوف حلقاتج .. احس ان الدنيا بخير ..

ياريت الناس كلهم قلب واحد ..

ياريت النات كلهم نفوس طيبه ..

...

الدنيا لازم فيها الخير والشر.. لكن

ليش الشهر زايد هاليومين ؟

؟؟

ليش ؟

Q8-angel · 02-07-2008

بيتي الدافي .. رجعت أرمي أثقالي .. اثقال العمل ..

تعبت

تعبت وجيت ارميك يا أثقال العمل ..

أثقال بكل معنى الكلمة .. اشتقت لكوب القهوة الدافي وبطانيه الشتا ..

الحين الجو حار وعشان ارتاح أشرب شي باااااااااااااااااااارد .. وأشوف فلمي المفضل

:: سر خطير ::
حب كبير وشوق ووله عميق .. حق بو العيال ..
,, فقدته

Q8-angel · 30-08-2008

السلام عليكم
اخواني اخواتي

شباب وشابات مملكة حليمة بولند .. أحبكم كلكم .. وأقووووول

مشتاااااااااااااااااااقه لكم موووووووووووووووووووت

تلهيني الدنيا وارجع أكتب في صفحتي العزيزة في أحلى منتدى في الدنيا

معاه

احس الدنيا بخير
منتدى هادي ..
تغلب فيه روح الأخوه .. والله اعلم طبعا .. لكن هذا ما شعر به بكل صراحه :)

يارب يارب يارب .. يتحقق حلمي ..
بأقرب وقت :)

إذا تحقق حلمي راح تكونون من اول الناس الي أبشرهم ان شاء الله

..

Q8-angel · منذ 2 يوم

الجو حلو .. ومشتاااقين للشتا موووت .. :)

بعد ماتزوجت ..
حياتي تغيرت ..

الزواج حلو ومريح .. وفيه سعادة

لكن كذلك لا يخلو من الملح والفلفل والبهارات .. ههههههههه

يعني لابد من الخلافات ..
... حلوة

انصح كل البنات .. إذا تقدم لج الرجل المناسب ..

لا تترددين في قبوله .. بعد صلاة الاستخارة ..

واذا لي الحين ماتزوجتي عيشي حياتج مع بنات خالاتج وصديقاتج .. ودراستج أو دوامج .. ولا تنشغلين بالحب والأشعار :) لاااااحقة عليها ...الي صج راح تفقدينه رفيجاتج .. لأن وقتج كله حق زوجج ..

حتى منتدى حليمة راح تفقدينه .. :)
طيعيني

ودي يكون في مشاركة لحلومتنا .. في المنتدى .. بأن تعطينا نصايح جماليــه .. :)
شرايكم ؟؟

Q8-angel · منذ 2 يوم

ادعو لي أصير أم عبود ..